Бишкектеги хостелдер

Бишкектеги хостелдер

Бишкек — өлкөгө кирүү чекити: Манаска учактар конот, Ысык-Көлгө, Сон-Көлгө жана түштүккө жол ушул жерден башталат. Хостелди көбүнчө бир-эки түнгө алышат — маршруттан мурун же кийин, — жана бул шаарда түнөөнүн эң арзан жолу.

Кайдан издөө керек

Борбордон жөө жүрүү ыңгайлуу: Ала-Тоо аянты, Ош базары, кафелер жана алмашуу пункттары жакын. Батыш автовокзалына жакын райондор эртең менен Ошко, Таласка же Ысык-Көлгө маршрутка менен чыгаарда утат — жөнөө чекитине жарым саат тыгындын ордуна беш мүнөт. Түнкү келүү же учуу болсо, трансфер жөнүндө сураңыз: Манас аэропорту шаардан 25 км алыс.

Ичинде эмне бар

Бөлмө адатта 4–8 орундуу, кээ бир хостелдерде аялдар бөлмөсү жана эки кишилик номер бар. Ашкана менен душ жалпы, төшөк жабуулары көбүнчө кирет, жүк сактоочу жай дээрлик бардык жерде — рюкзакты тоого бир күндүк чыгууга калтырса болот. Көп хостелдер аэропортко трансфер уюштурат жана Сон-Көлгө, Памирге жолдош табууга жардам берет.

Качан башкасын тандаган жөндүү

Экөө жүрсөңүз, өзүнчө даараткана же эрте учуштан мурун тынч түн керек болсо — суткалык батирди же конок үйдү салыштырыңыз: эки кишиге бөлгөндө эки хостел орду менен айырма дээрлик жоголот.

Брондоо жана төлөм

Сиз үй ээси менен түздөн-түз брондойсуз, ортомчусуз. Айрым хостелдер дароо ырасталат, айрымдары үй ээси даталарды текшергенден кийин. Алдын ала төлөмдү Meiman сиз жайгашканга чейин сактайт жана андан кийин гана үй ээсине берет, калганын жеринде төлөйсүз. QR же карта менен төлөсөңүз болот.